Plantun de Prouvènço

Pèr coumpara dos planto d'encò nostre

Lythrum salicaria & Hyparrhenia hirta

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Grame(-pelous)

Hyparrhenia hirta

Poaceae Graminaceae

Nom en français : Barbon velu.

Descripcioun :
Aquéu grand grame trachis en mato dins li tepiero secarouso de pendis d'adré au levant de Prouvènço. Se recounèis à sis enflourejado acabado pèr dos espigo em'uno longo bratèio. La subsp. presentado eici, ié dison hirta ; se destrìo de pubescens qu'a de fueio bratealo emé de long péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 90 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Hyparrhenia
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 2 à 4 cm
Flourido : Estiéu - Autouno - Ivèr

Sòu : Ca (Si)
Autour basso e auto : 0 à 200 m
Aparado : Noun
Setèmbre à abriéu

Liò : Tepiero seco - Routo - Ermas - Pendis
Estànci : Termoumediterran à Mesoumediterran
Couroulougi : Paleoutroupicalo
Ref. sc. : Hyparrhenia hirta (L.) Stapf, 1919 (= Andropogon hirtus L. 1743 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lythrum salicaria & Hyparrhenia hirta

CCC

Coumpara Tè-di-paure emé uno autro planto

Coumpara Grame(-pelous) emé uno autro planto